‘n Drafstap, niks meer,
maar tog tree ek meters.
Geen skoene of veters,
so lig soos ‘n veer.
‘n Drafstap, niks meer,
tog bruis die wind in my ore.
Probleme skielik verlore,
ek word nie meer gekeer.
My lekkerste droom:
Sonder inspanning hardloop ek vinnig
Sonder inspanning hardloop ek ver
So vinnig dat ek vlieg…
Ek is vry:
geen kettings aan my enkels
geen seer om weer te leer
dan droom ek, ek is vry
dat ek nóú alles kan kry
Ongelukkig is realiteit wreed:
My oë gaan oop en ek gly
Om vir altyd hier te bly
Klaasvakie, asseblief sal jy my oorval?
Om weg te hardloop van my probleme
Om te vergeet van die grootste wal
Om eerder in droomland te lewe
Geen opmerkings nie:
Plaas 'n opmerking