Ek sien die wêreld deur jou oë
en weet dat niks jou kan keer
om die lewenslesse te leer
en in wonderwerke te glo.
Ek sien die wêreld deur jou oë:
Prinsesse red drake in die nag
en wen skaak kompetisies in die dag.
Jy besef al die geskenke kom van bo.
Ek sien die wêreld deur jou oë:
’n TV-kas word ’n woonstelblok,
jou koets ’n trok.
Daar is géén einde aan jou verbeeldingsvermoë.
Ek sien die wêreld deur jou oë.
Jou liggie skyn so helder...
Jou drome strek verder...
Ons harte word sommer bewoë.
Deur jou oë is die wêreld ’n reis.
Jou drome word nooit opgesluit in ’n kluis.
'n Soeke na betekenis waar daar dikwels geen antwoorde was nie.
Geen opmerkings nie:
Plaas 'n opmerking